نكت قصيرة و مضحكة

هدا واحد الراجل مخاصم لا يتكلم مع الزوجة ديالو. كتب ليها: غدا فيقيني مع 6 صباحا…لكن ما فاق حتى 12 …وهو يلقاها كتبا ليه : فيق راه 6 صباحا.

هذا واحد الطفيلي، دائما يتدخل فيما لا يعنيه، واحد النهار لقى الناس مجمعين على حادثة سير، وهو يقول ليهم خلوني ندخل أنا أخ الضحية، ملي دخل، لقى حمار ميت.

هدا واحد مات مقوس، الناس معرفوش كيف يدفنوه، واحد السكيري قال ليهم دفنوه في الدورة ديال راس الدرب

هدا واحد البخيل ملبس الدجاج ديالو، سليبات باش ميبيضش عند الجيران

راجل معقول غادي وطاح فحفرة ناض منها وشاف حفرة قدامو قال اف عوتاني هنطيج

واحد البنت سولات الاستادة ديال العلوم الطبيعية.. واش للي عندها 20 عام يمكن تولد.. قالت ليها. ايه.. قالت ليها وللي عندها 15 عام.. قالت ليها صعيييب… نقز واحد الدري من وراها قال ليها.. ياك قلت لك متخافيش

قراءة المزيد »

من أجمل النكت

واحد الكسول سول المعلم ديال الانجليزية: أستاد، أشنو المعنى ديال why؟

قال ليه الأستاد: علاش.

قال ليه الكسول: لا، غير سولت.

قال ليه الأستاد: علاش أبنادم، علاش.

قال ليه الكسول: راه غير بغيت نتعلم الانجليزية

واحد سكران رجع للدار مع الخمسة د الصباح. حلت ليه بنتو وهو يقول ليها: فين كنتي حتال هاد الوقت؟ رجعي فين كنتي!

هو يسد عليه الباب وبات ف الزنقة

هادا واحد مبوق جالس ف القهوة مع الدراري كيتفرجوا ف ماتش مباشر

الناس داخلين مع الماتش غوتو: دابا يتماركا البيت اللول، وفعلا تماركا

شوية ناضو تاني: دابا يتماركا البيت التاني، وشوية تماركا البيت

خينا اللي مبوق طلع ليه الدم وهي يقول ليهم: خوتي، اللي فايت ليه شاف الماتش يسكتنا الله يرحم بّاكم

 

واحد الشفار دخل لواحد الدار… هي تشدو مولات الدار غلييييييظة و هي تجلس عليه و هي تعيط على ولدها: مصطفى !!!!!! عيط دابا لبوليس… و هو يقول ليه داك الشفار: سربي دغية أخاي مصطفى .

 

هاد واحد المرا كتشك فزوجها

واحد اليوم لقات عليه شعرة زعرة قالت ليه شكون هاد الزعرة اللي كنت معاها

واحد النهار لقات شعرة حرشة قالت ليه شكون هاد السودة اللي كنت معاها وواحد النهار ما لقات حتى شعرة قالت ليه شكون هاد القرعة اللي كنت معاها

قراءة المزيد »